Mera Aapki Kripa Se, Sab Kaam Ho Raha Hai

Lyrics:

======

Mera aapki kripa se, sab kaam ho raha hai
Karte toh tum ho Baba, mera naam ho raha hai
Mera aapki krupa se, sab kaam ho raha hai
Karte toh tum ho Baba, mera naam ho raha hai

Patwaar ke bina hi, meri naav chal rahi hai
Hairaan hai zamana, manzil bhi mil rahi hai
Karta nahi mai kuch bhi, mera sab kaam ho raha hai
Karte toh tum ho Baba, mera naam ho raha hai
Mera aapki kripa se, sab kaam ho raha hai

Koi nahi tha mera, phirta tha maara mara
Beaasre ko Baba, tumne diya sahara
Tera karam yey mujhpar, sare-aam ho raha hai
Karte toh tum ho Baba, mera naam ho raha hai
Mera aapki kripa se, sab kaam ho raha hai

Tum saath ho jo mere, kis cheej ki kami hai
Kisi aur cheej ki abb, parwah hi nahi hai
Tere saath se gulaam abb, gulfaam ho raha hai
Karte toh tum ho Baba, mera naam ho raha hai
Mera aapki daya se, sab kaam ho raha hai
Sadguru Sainath Maharaj ki Jai!